2024 წელს მრავალი ცნობილი ადამიანის დასამახსოვრებელი ქორწილი შედგა. მილი ბობი ბრაუნი და ჯეიკ ბონგიოვი, ჩარლი პუტი და ბრუკ სანსონე, ლანა კონდორი და ენტონი დე ლა ტორე, ალექს კუპერი და მეთ კაპლანი—ეს მხოლოდ მცირე ჩამონათვალია იმ წყვილების, რომელთა ქორწილებმაც წლის განმავლობაში დიდი ყურადღება მიიპყრო.
საქორწილო ინდუსტრიის ლიდერების წყალობით, უკვე ცნობილია 2025 წლის ტენდენციები, რომლებიც დაგეხმარებათ, თქვენი განსაკუთრებული დღე იდეალურად დაგეგმოთ.
ქორწილის დაგეგმვა გირჩევთ დაიწყოთ 12 თვით ან უფრო ნაკლები დროით ადრე. ბოლო წლებში კოვიდმა შეცვალა ქორწილების დაგეგმვის ვადები, რაც 18 თვიდან 2 წლამდე იყო გაზრდილი. თუმცა ახლა იდეალური პერიოდად ერთი წელი ან რამდენიმე თვე მიიჩნევა. ეს დრო საკმარისია ყველა დეტალის დასაგეგმად და სტრესის შესამცირებლად.
მრავალი წყვილი ამბობს, რომ ურჩევნია თავიდან აირიდოს ხანგრძლივი დაგეგმვის პროცესი, რომელიც მათი ცხოვრების 1.5-2 წელს მოიცავს. მათ სურთ, რომ ქორწილისთვის განსაზღვრული და კონკრეტული დრო დახარჯონ, რაც საშუალებას აძლევს, უფრო კონცენტრირებულად და ეფექტურად იმუშაონ დეტალებზე.
ქორწილის მთავარი ელემენტებიდან ერთ-ერთი—პატარძლის და სიძის ჩაცმულობაა. იმისათვის, რომ თავიდან აირიდოთ სტრესი, სასურველია კონსულტაცია ქორწილის ან პატარძლის სტილისტთან. OTM-ის სტილის დირექტორი გრეის გივენსი გვთავაზობს სრულ ლუქებს ნიშნობის წვეულებიდან თაფლობის თვის ჩათვლით.
სტილისტები თქვენს ქორწილს ვიზუალურად სრულყოფილს გახდიან, რადგან ისინი არა მხოლოდ ჩაცმულობაზე ზრუნავენ, არამედ მთელ ესთეტიკას ხდიან თანმიმდევრულს. გარდა ამისა, დრესკოდის განსაზღვრა სტუმრებისთვის ასევე მნიშვნელოვანი დეტალია. ეს დაგეხმარებათ, რომ ყველა ფოტო ვიზუალურად ერთიან და ორგანიზებულ სახეს ინარჩუნებდეს.
დღესდღეობით, წყვილები უფრო და უფრო მეტ ყურადღებას აქცევენ სტუმრების ჩაცმის სტილს და ხშირად წინასწარ განსაზღვრავენ, რა ტიპის სამოსი უნდა ატარონ სტუმრებმა, რათა საერთო ატმოსფერო იყოს ჰარმონიული.
ჩვენ გვესმის—თქვენ გყავთ ბევრი მეგობარი, მაგრამ ნამდვილად გსურთ, რომ ყველა მათგანი მონაწილეობდეს თქვენს მნიშვნელოვან დღეში? ორგანიზატორები გვირჩევენ, რომ სტუმრების სია მოიცავდეს მხოლოდ ახლო და ძვირფას ადამიანებს.
მრავალი წყვილი ამბობს უარს დიდ, ტრადიციულ წვეულებებზე და ირჩევს უფრო მცირე, ინტიმურ ცერემონიებს. Over The Moon-ის ფოტოგრაფი ერიკა დელგადო აღნიშნავს, რომ სიძე-პატარძლის ფოტოები სტუმრების გარეშე უფრო პოპულარული ხდება. "მათ შეუძლიათ მეგობრები მხოლოდ ცერემონიის დაწყებამდე ჩართონ ფოტოებში ზედმეტი ხარჯებისა და ვალდებულებების გარეშე."
გარდა ამისა, თანამედროვე ტენდენციები ხელს უწყობს ნაკლებად დადგმულ ფოტოებს. ბუნებრივი და გულწრფელი მომენტები ფოტოსესიაში გაცილებით ამაღელვებელია. როგორც ერიკა აღნიშნავს: "ყველაფერი, რაც უფრო ჭეშმარიტი და ნამდვილია, ბევრად უკეთ ჩანს ფოტოებში."
ბოლო დროის ტენდენციაა საოჯახო ვახშმების გამართვა ქორწილის წინ. ეს არის იდეალური გადაწყვეტილება, განსაკუთრებით მაშინ, როდესაც ქორწილში ბევრი სტუმარი მონაწილეობს. "სტუმრების გამოცდილებაზე დაყრდნობით, წყვილები მასპინძლობენ მხოლოდ საოჯახო ვახშამს ქორწილის დღემდე," აღნიშნავს ისტონი. ეს აძლევს წყვილებს საშუალებას, დატკბნენ საოჯახო გარემოთი, მოისმინონ ახლობლების მილოცვები და სადღეგრძელოები დროის შეზღუდვის გარეშე.
ფუჭი მისასალმებელი ყუთები, რომლებიც ხშირად პლასტმასის ბოთლებს და სხვა არაპრაქტიკულ ნივთებს შეიცავს, წარსულს ბარდება. ამის ნაცვლად, წყვილები სტუმრებისთვის არჩევენ ნაფიქრ საჩუქრებს, რომლებიც მეტად გამოსადეგი და სასიამოვნოა. "უფრო მეტი იფიქრეთ მდიდრულ და ზღაპრულ ნივთზე, რომლითაც თქვენი სტუმრები ნამდვილად ისიამოვნებენ ქორწილში ყოფნის დროს ან ადვილად წაიღებენ სახლში," -გვირჩევს რობინსი.
გარდა ამისა, ეკოლოგიურად მეგობრული გადაწყვეტილებები, როგორიცაა ნაკლები პლასტმასის გამოყენება, მნიშვნელოვან როლს თამაშობს. წყვილები და ორგანიზატორები ხშირად იყენებენ მდგრად მასალებს და ამჯობინებენ პრაქტიკულ, ხარისხიან საჩუქრებს.
ქორწილამდე აქტივობების ორგანიზება დამსწრეების ერთმანეთთან დაახლოებას უწყობს ხელს. ერიკა დელგადო აღნიშნავს, რომ ჩოგბურთის ტურნირები, იოგა ან სპა დღეები ერთ-ერთი ფავორიტი ტენდენციაა. ასევე, წისქვილის “თეატრის” გუნდი დაგეხმარებათ ქორეოგრაფიული და მუსიკალური ნომრების მომზადებაში, რაც წინასწარ რეპეტიციებს საჭიროებს და ასეთი აქტივობები, სტუმრებს დამატებით სიამოვნებას ანიჭებს და ქორწილის განწყობას ამაღლებს.
ტრადიციული მუსიკის ნაცვლად, 2025 წელს წყვილები უპირატესობას ანიჭებენ არატრადიციულ და მოულოდნელ მუსიკალურ გადაწყვეტილებებს. ალექს ლე რუმ, დიჯეი ფრედ აგაინისა და დეპეში მოდის მუსიკისგან შექმნა არანჟირება, რომელიც უნიკალურ ატმოსფეროს ქმნის. თუ გსურთ, რომ თქვენი ქორწილი მუსიკალურად გამორჩეული იყოს, იფიქრეთ განსხვავებულ და კრეატიულ მუსიკალურ არჩევანზე.
უალკოჰოლო კოქტეილები 2025 წლის აუცილებელი ატრიბუტია ქორწილებისთვის. იზრუნეთ იმ სტუმრებზე, რომლებიც არ მიირთმევენ ალკოჰოლს და შესთავაზეთ მათ მხიარული და გემრიელი ალტერნატივები. ეს გადაწყვეტილება თქვენს ღონისძიებას უფრო მრავალფეროვანსა და სტუმართმოყვარეს გახდის.
ტრადიციული დესერტების თეფშებზე მიტანა წარსულს ბარდება. რობინსი და ოტოია გვირჩევენ, დესერტები ინოვაციური ფორმით წარმოადგინოთ. მაგალითად, ნაყინის ურიკები, ნამცხვრების სადგურები და მცირე ზომის დესერტები, რომლებიც სტუმრებს საღამოს განმავლობაში შეუძლიათ დააგემოვნონ.
2025 წლის ტენდენციები მოიცავს განსაკუთრებულ ყურადღებას ქორწილის შემდგომი წვეულებების ორგანიზებაზე. წყვილები ხშირად იცვლიან ლოკაციას ან გარდაქმნიან სივრცეს მაღალენერგიულ და მხიარულ ადგილად. ეს ღონისძიებები აძლევს სტუმრებს დამატებით დროს, რომ სრულად დატკბნენ დღესასწაულით და გააგრძელონ მხიარულება. თუმცა ქორწილის გარემო, წისქვილის “თეატრში” ბევრნაირად შეიძლება გარდაქმნათ, სცენით, განათებით და დეკორაციით.
